ATECE

ATECE ARABA 1994an sortu zen, HKZ zuen pertsona baten senide baten ekimenez, erabat galduta eta arretarik gabe baitzegoen, bere anaiaren egoera zela-eta. Hala, hedabideen bitartez, egoera horretan zeuden hainbat pertsona harremanetan jarri eta Euskadiko Elkartea sortu zen, ondoren hiru elkarte probintzialetan banatuko zena.

Hartutako Kalte Zerebrala duten pertsonei eta euren familiei laguntza eskaintzen dien irabazi asmorik gabeko Arabako erakunde bakarra da gurea. Profesionalek, familiek eta boluntarioek osatutako elkartea da, eta biltzar bidez funtzionatzen du, Zuzendaritza Batzorde kudeatzaile batekin eta erakunde publiko zein pribatuen laguntzarekin, dohaintzekin eta bazkideen ekarpenekin.

Arreta integrala ematen diegu familiei, kalitateko zerbitzu pertsonalizatu eta unibertsala. Horretarako, diziplina anitzeko lantalde espezializatu bat, elkartearen egoitza eta baliabide komunitarioak ditugu.

Gure helburua da ongizate kolektiboa lortzea eta gizartea HKZren eta horren prebentzioaren inguruan sentsibilizatzea.

Araban erreferentziako irabazi asmorik gabeko erakundea izatea, gardentasunez antolatu eta kudeatutakoa, familien parte-hartze eta inplikazioarekin, boluntarioen laguntzarekin eta ongizatea sustatzen duen talde profesional kohesionatu baten lanarekin.

Inklusioa eta baliabide komunitarioen erabilera sustatzen duten erakundeek babestutako erakundea, elkarte-proiektu egonkorra duena.

HKZ duten pertsonei eta horien familiei arreta pertsonalizatu eta unibertsala emateagatik, gizartean prebentzio eta sentsibilizazio lana egiteagatik, eta erakundeen aurrean erreibindikatzailea izateagatik aitortza jaso duen erakundea.

Garaiekin bat datorren eta aldaketetara egokitzen den irabazi asmorik gabeko erakundea.